Pasa den ostiralean, 4. Lko ikasleek INCIBEk Lizarran ezarritako Zibersegurtasunari eskainitako espazioa bisitatu zuten. Barrualdean hitzaldi bat jaso zuten. Bertan, modu arinean, mundu digitalean dauden zenbait arriskuren berri eman zieten. Horretaz gain, mehatxu hauetatik babestuago egoteko trikimailuak ikasi zituzten. Esaterako, pasahitz seguruago bat sortzea edo webgune bat segurua den ala ez identifikatzea. Kanpoaldean, erruleta baten bidez mezuak kodetzeari eta deskodetzeari buruzko jolas dibertigarri batekin gozatu zuten. Gainera, ikasgelan zibersegurtasunean lanean jarraitzeko zenbait baliabide interesgarri eman zizkiguten.