Ekainak 5 asteazkena, Film Laburren XII. jaialdia ospatu genuen eta bertan Batxilergoko 1. mailako ikasleek IKT ikasgaian egindako laburmetraiak proiektatu ziren.

Ekitaldia ikastetxeko erabilera anitzeko gelan ospatu zen, ikasle, familia eta zenbait irakasleren parte-hartze nabarmenarekin.

Teknologia sailetik eskerrak eman nahi dizkizuegu zuen asistentziagatik. Oso pozik gaude emaitzarekin, arratsalde polita pasa genuen sentsazioarekin.

Etortzerik izan ez bazenu, laburmetrai guztiak ikastetxeko Youtube kanalean aurki daitezke.

Emanaldiaren amaieran, sari ezberdinak banatu ziren. Hauek izan ziren sarituak:

1.-MEJOR CARTEL/ KARTEL ONENA  AMOR SIN LÍMITES

2.-MEJOR VESTUARIO / JANTZI ONENA EL EQUIPO B

3.-MEJOR PRODUCCIÓN Y MONTAJE / EKOIZPEN ETA MUNTAI ONENA  EL CONQUISTADOR DE URBASA

4.-MEJOR FOTOGRAFÍA / ARGAZKI ONENA EL CONQUISTADOR DE URBASA

5.-MEJOR SONIDO/ SOINU ONENA LLUVIA DE ESTRELLAS

6.-MEJOR INTERPRETACIÓN PRINCIPAL/  AKTORE NAGUSIRIK ONENA  MARIO NOGALES POR NEXT

7.-MEJOR INTERPRETACIÓN SECUNDARIA/ BIGARREN MAILAKO AKTORERIK ONENA   EIDER LACALLE por Amor sin límites 

8.-MEJOR GUIÓN / GIDOI ONENA AMOR SIN LÍMITES

9.-MEJOR CORTOMETRAJE/ FILM LABUR ONENA   LLUVIA DE ESTRELLAS 

10.-PREMIO DEL PÚBLICO / PUBLIKOAREN SARIA  NEXT

DBHko 2. mailako Musika Tailerreko ikasleek kontzertua eman zuten maiatzaren 31n, ostirala, Kuboan, Arantza Troncoso eta Alberto Royo irakasleekin. Abesti hauek interpretatu zituzten:

Hakai Hana (abesti japoniar tradizionala), Interstellar (Hans Zimmerren soinu-banda), Quédate (Quevedo), Sweet Home Chicago (Robert Johnson), Zombie (The Cranberries) eta La playa (La oreja de Van Gogh).

Kontzertu honetan musika-tresna hauek erabili genituen: pianoak, bateria, gitarra elektrikoa, akustikoa eta klasikoa, baxu elektrikoa, metalofono eta xilofono baxu eta altuak, karilloiak, kaxak, klabeak, panderetak, kaxoia eta bongoak (ahotsaz gain, noski).

Musika Tailerra ikastetxeko hautazko irakasgaia da, praktikoa, eta haren helburua ikasturte amaierarako kontzertu bat prestatu, entseatu eta eskaintzea da. Ikasleek lan handia egin dute eta inplikazio handia erakutsi dute entseguetan. Azkenean, ikasturtea zuzeneko interpretazio honekin bukatu dute. Kontzertua entzutera DBHko 2. mailako irakasle eta ikasleak hurbildu ziren. Zorionak tailerreko ikasle guztiei, erakutsitako gogoarengatik eta egindako lan ederrarengatik.

Batxilergoko 1. mailako Musika eta Zinema hautazko irakasgai berriko Alberto Royoren ikasleek, Ana Corrozaren 4. I mailako ikasleekin batera, zinema arloko musikaren inguruko kontzertu bat eman zuten joan den maiatzaren 20an. Hainbat filmetako soinu-bandak interpretatu zituzten, baita telesail batekoa ere. Kontzertua Sergio Leoneren 1968ko Ona, itsusia eta gaiztoa filmeko musikarekin hasi zen (Ennio Morriconek idatzia). Jarraian, 1981ean hasitako Spielbergen Indiana Jones sagaren soinu-banda entzun ahal izan genuen (John Williamsek konposatua). Ondoren, 2019an grabatutako Sin perdón filmeko “Tema de Claudia” interpretatu zuten (Lennie Niehausena eta Clint Eastwood zuzendariarena). Horren ostean, Jean Favreauren 2019ko The Mandalorian telesailaren sintonia (Ludwig Goranssönek konposatua) jo zuten. Azkenik, Rocky III filmeko The eye of the Tyger (Survivor) abestiarekin bukatu zen kontzertua.

Martxan gaude!! Raquel Azanza gure lankidea, IES Tierra Estella – Lizarraldea BHIko iraupen luzeko mugikortasunen arduraduna, Europako topaketa honetan parte hartzen ari da egunotan. Topaketa horietan, bazkideak bilatuko ditu Europarako etorkizuneko gure mugikortasunetarako, iraupen luzeko mugikortasunak azpimarratuz. Zentroa nazioartekotzen @sepie-gob #erasmusplus #iestierraestellalizarraldeabhi

Atzo, ekainak 3, Bizikletaren Munduko Eguna ospatu genuen. Villatuertako bizikleta bidezko ibilaldi batekin hasi genuen eguna, 3 DBHko ikasleekin. Goiza gure yayacletarekin jarraitu genuen, San Jeronimoko 6 kiderekin hiru ibilaldi egiteko, ERASMUS programan parte hartzen duten gure ikasleekin eta Cristina Pinillos gure lankide ohiarekin batera. Dori, M.Carmen, Nicolás, Enrique, Maika eta María Lizarrako kaleetan barrena ibili dira, goiz ederraz gozatuz eta paseoan zeuden jendearekin uneak partekatuz. Haien irribarreekin eta esker onarekin geratzen gara jarduera bat haiekin partekatzeagatik. EGA gelako Petro ikaslearekin azken ibilaldi batekin itxi dugu goiza. Pedalei eragiten eta irribarreak marrazten jarraitzen dugu.

Institutuko 3. DBH-ko 100 ikasletik gora egon dira Bertizeko natura astean, Aste Berdean.

Joan den ostiralean, maiatzaren 24an, diplomak banatu zitzaizkien 2023/2024 ikasturteko LaborESO programan parte hartu zuten ikasleei. Dibertsifikazioko 4. mailan egiten den programa hau ikasle bakoitzak bere interes profesionalen arabera aukeratzen duen enpresa batean bi asteko egonaldia egitean datza. Helburua da ikasleak lan-ingurunearekin ohitzea, oinarrizko eta laguntzako zenbait zereginetan lagunduz, lehen lan-esperientzia izan dezaten. Era berean, lagungarria da ikasleek DBH amaitzean etorkizun akademiko eta profesionalari buruz erabakiak hartzeko prozesuan.