Bideo honen bitartez, Psikologiako ikasleek, Platonen “Haitzuloaren mitoa” gogora ekarri dugu genero ikuspegi kritikoa ezarri diogularik M8 aitzakiatzat hartuz. Modu horretan, bi mundu irudikatu ditugu: alde batetik, gaur egun bizi dugun mundu zapaltzailea non haitzuloaren barruan gauden eskuak loturik txikitatik emakumeoi esaten dizkiguten mezu zapaltzaileek burumakur eta zaurgarri uzten gaituztelarik. Bestetik, gizarte moduan lortu beharko genukeen mundu berdinzale zein askatzaile bat. Horren adierazle dira mezuek haitzuloaren kanpoaldean hartzen duten kutsu berria zein emakumeok dugun elkartasuna. Azkenik, aipatzeko modukoa da ere hautatu dugun musikak berezko bi zentzu dituela: batetik, “Quemando” izenburua duenez, jatorrizko mitoan agertzen den suari (Heraklitori erreferentzia egiten dioena) men eginten dio. Bestetik, sistemaren zapalketarekiko sentitzen dugun erremindua aditzera ematen du.

Ostegunean, otsailak 23, Elkartasun Saskiekin lortutako diru kopurua Gobernuz Kanpoko Erakundeetara bideratu zen Kuboan antolatutako jarduera batean. Gonbidatutako erakundeak ANAS, SOS Himalaya, Benin eta Behar Bidasoa izan ziren eta pozarren bueltatu ziren gure ikasleek eskainitako harrera eta lortutako diru kopuruarekin. Erakundeen proiektuak ezagutzeak gure ikasleengan hausnarketa sortzea lortu zuen. Horien artean ura sanetzeko makinak, eskolako instalakuntzak edota emakumeen enpoderatzea daude. Prentsari ere interesgarria iruditu zaio gure ekintza: estekak Diario de Navarra eta Diario de Noticias. Zorionak guztioi!

Otsailaren 13tik 17ra, DBHko 2. mailako 120 ikaslek Erronkariko Eski Astean parte hartu zuten. Elurraz, eskiaz, bertan prestatutako arratsaldeko ekintza guztiez eta, batez ere, elkarbizitzaz gozatu zuten. Hemendik zoriondu nahi zaituztegu han izandako jarrerarengatik eta esperientzia ahaztezinak ekarri izana espero dugu.

Hemen ikus ditzazkezue argazki guztiak.

Ikasturte honetan Bookflixa dugu zentroan, hau da: liburuen Netflixa. Institutuaren sarreran, gure liburutegiko berrikuntzen, gomendioen eta libururik ezagunenen Bookflixa aurki dezakezue. 1DBHko eta 1ºESOko korridoreetan, ikasgeletako Bookflixak aurki ditzakezue. Bertan, gure ikasleek, “irakurri eta parteka ezazu” ekintzetan irakurri dituzten liburuak erakusgai daude. “Irakurri eta parteka ezazu” ekintza hurrengo honetan datza: gure 1DBHko eredu guztietako ikasleek, astelehenero, 10 minutuz irakurtzen dute saio horretako irakaslearekin batera. Ostera, ikasleek, irakurri dituzten liburuak Bookflixean partekatzen dituzte. Horrez gain, ikasgelan, ikasle zein irakasle bakoitzak haren inpresioak partekatzen ditu elkarrizketa dialogikoaren bitartez. Eta zuk? Zein liburu gehituko zenituzke zure Bookflixean?.

Gaurkoan, Santa Agueda eguna dela-eta, Remontival IPko txikitxoak gure zentrora abestera etorri dira. Modu horreran, belaunaldi ezberdinek kantu bakarrari eutsi diogu.

Zein jarrera filosofiko hautatzen duzu zerbait sinesterako orduan? Ba al duzu jarrera kritikoa eta eszeptikoa? Sinesgaitza dena sinesten al duzu? Horren inguruan aritu dira 1. batxilergoko ikasleak Javier Armentia (Iruñeako planetarioaren zuzendaria) astrofisikariarekin batera. Horrekin batera, egunerokotasunean entzun ohi ditugun hainbat baieztapen kritikoki aztertu dituzte; kaltegarriak al dira wifi uhinak?

Uste al duzu teknologia berriak modu arduratsuan eta kritikoan erabiltzen dituzula? Ba al dakizu horien gehiegizko erabilerak zein ondorio dituen zure egoera psikologikoarengan, fisikoarengan eta sozialarengan? 2. batxilergoko ikasleek, psikologia ikasgaian, aurreko hausnarketa horiei erantzuna bilatu diete ikerketa zein hausnarketa sakonaren bitartez eta “lapbook”-etan islatu dituzte. Modu horretan, mugikorraren gehiegizko erabilerarekiko kontzientzia kritikoa sustatu nahi da: ikertutako datuek zuhurtziaz jokatzeko beharra azaleratzen baitute.

Hemen duzue bideo bat.