IES Tierra Estella

Sitio web del IES Tierra Estella

BERRIAK

“Telebista, Lizarraldea BHI sarean”

Ikasturte honetan, Hezkuntza Departamentuak berrikuntza proiektu bat onartu digu, “Telebista, Lizarraldea BHI sarean”; eta bere helburua da ikastetxean dugun telebista estudioa erabiltzea. 35 irakasle baino gehiagok parte hartu dute, eta hainbat telebista-saio sortu dituzte ikasleekin batera: elkarrizketak, magazinak, albistegiak, narrazio laburren egokitzapenak, eztabaidak eta abar.

Ikasleek atsegin handiz hartu dute ekimena, zerbait berria eta pizgarria baita haiendako; izan ere, eguneroko edukiekin lan egiteko bertze modu bat da, arrunt diferentea. Gisa horretan, metodologia berriak erabiltzeaz batera, ikasleek modu errealago eta praktikoago baten bidez jasotzen dituzte edukiak.

Bideoak ikusteko, youtubera jo, eta bertan idatzi “ies tierra estella en la red”, edo klikatu zuzenean esteka hau: IES TIERRA ESTELLA EN LA RED

Osasunaren Naziarteko Eguna “Maita zure burua”

Apirilaren 7a Osasunaren Naziarteko Eguna da, eta egun hori ospatzeko, Nafarroako Gurutze Gorriak “Maita zure burua” izeneko jarduera antolatu zuen, eta helburua zen denon artean Santiago de Compostelara iristea. IES Tierra Estella/Lizarraldea BHI-k parte hartu du ekimen horretan, eta apirilaren 8tik 12ra bitartean pedalei eman die Gurutze Gorriak utzitako bizikleta estatikoa erabiliz. Bost egun horietan, 663 kilometro egin dira, eta hezkuntza-komunitateko hainbertze kidek parte hartu dute.

Departamento de Educación física

DISCAMINO PROIEKTUAK BIZITZARAKO IRAKASPEN EDERRA ERAKUTSI DU IES TIERRA ESTELLA-LIZARRALDEA BHI-N

IES Tierra Estella-Lizarraldea BHIn antolaturiko jarduera bati esker, ikasleek DISCAMINO ezagutzeko parada izan zuten. Proiektu horren helburua da Santiagora joan nahi duten baina nolabaiteko arazoak dituzten pertsonei laguntzea. 2009an sortu zenetik, 196 pertsonak jaso izan dute elkartearen laguntza, eta, horri esker, bete ahal izan dute beren ametsa: Santiagora heltzea.

[Read more…] about DISCAMINO PROIEKTUAK BIZITZARAKO IRAKASPEN EDERRA ERAKUTSI DU IES TIERRA ESTELLA-LIZARRALDEA BHI-N

ANIZTASUN FUNTZIONALA DUTEN PERTSONEN NAZIOARTEKO EGUNA ERA HONETAN OSPATU DUGU 2019AN.

Muga arkitektonikoen aurrean sentsibilizazioa Lizarran.

Aniztasun Funtzionala duten Lizarraldeko pertsonen erakunde eta Gurutze Gorrikoek lagunduta,  3. PMAReko ikasleek Tere Lerín eta Yolanda Salinasekin batera irteera bat burutu dute, ezagutzeko Lizarran muga arkitektonikoak zer diren eta zein eragozpen suposatzen dieten Aniztasun Funtzionala dutenei. Bide batez  egoera konpontzeko hainbat eremutan egiten diren ahaleginak balora ditzaten. Esperientzia hau aurreko urteetan ere bizi izandakoa da eta partaide guztiek ongi baloratu zutena.

CUEVAS DE MENDUKILO-KO KOBAZULOAK

Azaroaren 7an Mendukiloko kobazulora joan ginen 3.G, 3.H eta 3.PMAR taldeko ikasle batzuekin. Esperientzia ikaragarria izan zen eta kobazuloa ikusgarria benetan.

Programazioaren laburpenak

Web orri honetako “Hezkuntza eskaintza” atalean ikastetxean dauzkagun ikasgai guztietako programazioaren laburpenak argitaratu dira.

HEMEN klik eginez gero ere kontsulta daitezke.