Nafarroako SEECek (Ikasketa klasikoen elkarteak) antolaturiko Mundu Klasikoaren XIII. Olinpiadan parte hartu dugu. Latina eta grekoa arloetako ikasle batzuek parte hartu dute:
DBH 4. mailatik 6 ikaslek eta Batxilergoko 1. mailatik bederatzik.
Medusa eta Prometeori buruzko lan artistiko eta literarioak egin dituzte formato desberdinetan. Lan hauetako batzuk dira Medusa pertsonaiaren antzezpena Pol-dance bitartez, abesti bat gitarraren laguntzaz, ilustrazio bat tinte naturalekin egina, antzinako teknikak imitatuz, eskultura bat, … formato tradizionalak zein digitalak erabili dituzte.
Badira ere mitoen bertsio literarioak, poetikoak zein prosazkoak.
Bi pertsonai mitologiko horien inguruan ikuspegi ezberdinak eman dituzte, mitoa eguneratu eta gaur egungo ikuspegitik aztertu dute: hor daude “Medusa” desberdinak, genero-indarkeria pairatzen dutenak edo beren destinoaren jabe egiten direnak. Badira ere “Prometeo” batzuk, gizakiaren onurarako lan egiten dutenak, dela adimen artifizialaren bitartez, dela organo emaile izanik. Epaimahaiaren erabakia apirilaren 30ean emango da.
Zorte handia opa dizuegu!

Otsailaren 14an, batxilergoko lehen mailako ekonomiako ikasleek Lizarrako Merkatondoa kalean dagoen Egatextil enpresa bisitatu zuten. Bertan, itxuraz erraza den prozesu baten atzean dagoen konplexutasuna aurkitu zuten: etxeko arropa egin eta saltzea (pijamak, mantalak, etb.). Enpresako prozesu osoa ikusi ahal izan zuten, hala nola, jantzien diseinua, oihalen erosketa, jantzigintza, merkaturatzea eta banatze prozesua.

Bisita hau ekonomia ikasgaian irakasten diren ikaskuntza teorikoak praktikan ikusteko modu bat da. Eskerrik asko enpresari eta Roberto gerenteari bisita errazteagatik. Errepikatuko dugu!

Joan den otsaialaren 21ean, Lizarrako herri inauterien harira, euskal dantza batzuk dantzatu genituen patioan, ikastetxean lehen emanaldia eman zuen irakasleen fanfarreak lagunduta.

Pasaden asteazkenean, otsailak 19, 2. Batxilergoko ikasleek Vencidos antzezlana ikusi zuten Los Llanoseko aretoan. Historia eta Gaztelania mintegiek antolaturik, parada izan genuen frankismoko hainbat gai jorratzen zituen antzerkia ikusteko: errepresioa, gerraosteko gosea eta miseria, migrazioen fenomenoa, eta memoria historikoa. Aktoreek bikainki jardun zuten eta zinez aberasgarria izan zen.

Hemen dugu entzungai ikasleek saski solidarioen zozketari begira grabatutako podkasta. Entzun: programa.

Gure ikastetxeko IGEak 6 bizikleta berri erosten lagundu du, “Inklusioaren eta ekintza klimatikoaren alde pedalei eraginez” Erasmus proiektuarekin lotuta. Halaber, bizikleta horiek eta gure ikastetxeak erositako 15 bizikleta ere bizikleta-banku bat sortu da, ikasleentzat ez ezik, mailegua eskatzen dutenentzat ere, hezkuntza-komunitateko edozein kiderentzat. Bizikletak gure iraunkortasun-proiektuaren parte dira, eta, gainera, gure Gorputz Hezkuntzako eskoletan helburu didaktikoak betez, bizikleta bultzatzen dugu garraiobide seguru gisa eta ingurune naturaletan praktika fisikoa egiteko baliabide osasungarri gisa. Eskerrik asko laguntzeagatik eta proiektu honen transferentzian sinesteagatik.

Joan den otsailaren 4an, Agate Deunaren bezperan, Remontival ikastetxeko ikasleen bisita jaso genuen, eta egun horretan ohikoak diren koplak abestu zizkiguten.

Pasa den astean San Jeronimoko auzokide batzuekin topaketa berezi bat izan genuen. Haiekin batera oilasko-kroketa gozoak prestatu ahal izan genituen.