Oiloak eta komposta patioko hondakinen gaikako bilketaren hondakin organikoak jasotzen hasi dira.
Gaikako bilketa
BERRIAK
AZAROAK 25. ALDARRIKATZEKO EGUNA ETA ASUN CASASOLAREN LAGUNTZAREKIN.
Maria Rivero kantari bizkaitarra institutuan izan zen, “Musikariak ikastetxeetan” programaren 3. edizioaren karietara
Nafarroako Hezkuntza Departamentuak “Musikariak ikastetxeetan” programa abiarazi zuen 18-19 ikasturtean, eta gure institutuak, euskara departamentuaren kudeaketari esker, orain arteko edizio guztietan parte hartu du, eta balorazioa arras ona izan da. Programaren helburu nagusia da euskal kulturaren eta musikaren arteko zubi-lana sendotzea, aunitzetan musikaren bidezkoa izaten baita ikasleek euskaraz ekoizturiko kulturarekin duten loturarik handiena.
Ikasturte honetan, joan den azaroaren 23an izan genuen lehen saioa gure ikastetxean. Gonbidatua Maria Rivero kantari bizkaitarra izan zen, eta saio bana eman zuen D ereduko bigarren batxilergoko bi taldeetan.
Ikasleek aukera paregabea izan zuten Mariaren ahots xarmagarriak ehunduriko zenbait kantu eder zuzenean aditzeko, kantuen sormenean dauden osagaiak zeintzuk diren ikusteko, eta produkzio lanen zeregin nagusiak ere nolakoak diren jakiteko. Horretaz gain, gonbidatuak azpimarratu nahi izan zuen gaur egun kantariendako zein inportanteak izaten ahal diren bideoklipak, irudien bitartez ere haien kantuen mezuak behar bezala helarazteko; eta ikasleek kontu hori hobeki konpreni zezaten, Maria Riverok eginiko etxegabetzeen inguruko bideoklipa jarri zien, eta ikasleek bereziki estimatu zuten. Azkenik, letraren eta melodiaren artekoak ere hizketagai izan ziren, eta kantariak onartu zuen, oro har, letra dela hasiera batean datorkiona, eta bere emozioek baldintzatuko dutela gerora sortuko duen musika.
Laburbilduz, eta ikasleen iritziak jaso ondotik, saio polita izan zen, eta bete egin zuen egitasmo honen oinarrizko xedea: euskal kultura musikaren bidez hurbiltzea ikasleengana. Gainera, laster, bertze saio batzuk izanen ditugu, eta horien berri ere emanen dizuegu.
Emakumeenganako Indarkeriaren Kontrako Nazioarteko Eguna
4.DBH-ko tutoretzan, Emakumeenganako Indarkeriaren Kontrako Nazioarteko Eguna, ikasleek bere bizipenak plazaratu dituzten marrazki batzuen bidez landu dugu. Jarduera hau, Azaroaren 25-rako egin da.
GURE LEHENENGO TXITAK JAIO DIRA
21 egun txitatzen egon ondoren, lehenengo txitak jaio dira gure zentroan. “Euskal Oiloa Marradune” arrazakoak dira eta gure ikasleak zaintzen ari dituzte.
EMAKUMEEN AURKAKO INDARKERIA DESAGERRARAZTEKO NAZIOARTEKO EGUNA
Gaur goizean D ereduko Psikologia ikasleak Lizarrako kultur etxera joan dira “EMAKUMEEN AURKAKO INDARKERIA DESAGERRARAZTEKO NAZIOARTEKO EGUNA” dela eta egin duten “Beldurrez hastea: haurrak genero indarkeriaren aurrean” erakusketa ikustera.
DOMO GEODESIKOA
LIZARRALDEA BHI eraikin berri bat aurkezten du bere inguruetan. Erabilera anitzeko eraikina izango da eta zentruaren ikonoa bihurtu da. Prentsan ere agertu da:
